Ibilbidea

Behobia-Donostia ibilbide gogorreko proba da, bi gain garrantzitsurekin, Gaintxurizketa (Km. 7) eta Mirakruz Gaina (Km. 16), eta baditu ere beste igoera txiki baina ugariak, beraz indarrak ondo neurtzea oso beharrezkoa da azken zatira ondo iritsi ahal izateko. Goranzko desnibela 192 metrotakoa da.

Ibilbidearen kilometrotako hurrengo deskribapenarekin, bere ezagutzan sakondu nahi dugu lasterketa ahalik eta hobekien prestatzeko.

Infografia

• Ibilbidearen infografia (PDF - 4 Mb)

Perfila

• Ikusi zahar ibilbide profila

Hornidura puntuak

Erretiratze puntuak

Animazio puntuak

Ibilbidearen deskribapena kilometroz kilometro.

• KM 1.- Irteerako zuzengunea Bidasoa ibaiaren ondotik. Guztiz laua, azken metroak izan ezik.
• KM 2.- Irungo erdialdera igotzen gara aldapa leun batetik jendez beteriko kale artean.
• KM 3.- Erdialdetik urruntzean aldapa gogortzen da Irungo Bentetarantz, bertan igoera eta jaitsiera txikiak.
• KM 4.- Arretxe gaina, 3,4. Km, pasa eta aldapa bera goaz Irun atzean utzita.
• KM 5.- Aldapa behera jarraitzen dugu eta une aproposa da arnasa lasaitzeko Gaintxurizketako igoera hasi baino lehen.
• KM 6.- Gaintxurizketako igoeraren hasiera. Aldapatxo gogor bat errepide nagusira sartzeko.
• KM 7.- Gaintxurizketako igoeraren zati nagusia, %3ko bataz besteko portzentajeko 2 Km-ko aldapa.
• KM 8.- Gaintxurizketa Gainera heltzeko azken metroetan Tour giroa! Ondoren hasten da jaitsiera Errenteriarantzako 3 Km-ko jaitsiera luzea.
• KM 9.- Jaitsieraren zati nagusia, %3ko portzentajea. Erritmoarekin asmatzen badugu abiadura polita hartu dezakegu.
• KM 10.- Lasterketaren erdia, Lintziringo merkatalgunea. Arraroa egingo zaigu kotxerik gabe. Aldapa beherak jarraitzen du pixka bat gehiago.
• KM 11.- Errenteria kanpoaldeko auzoetara iristen gara jaisten oraindik eta ibilbidearen gune lauenean sartzen gara, 2 Km.
• KM 12.- Guztiz laua (ADI zebrabideetako erliebe ugariei!!) Errenteriako zumardia ikusle askoko gunea.
• KM 13.- Errenteria jendetsuaren erdialdetik igaro ondoren Kaputxinoseko igoera dator. Igoera serio bat (%5 eta 450m), indarrak neurtu behar dira.
• KM 14.- Kaputxinoseko azken metroak, gogorrenak eta Pasaiarantzako jaitsiera badiaren ikuspegi zoragarriarekin.
• KM 15.- Buenavistako (Donostiarako sarrera) igoera eta jaitsiera txikia eta portuaren parean egingo dugu korrika.
• KM 16.- Altza eta Herrerako auzoen zehar Mirakruz gainerantz hurbiltzen gara. Igoera prestatzeko kilometroa da hau.
• KM 17.- Mirakruzeko igoera (1,5 Km %3). Kilometro honen bukaeran Donostiranzko jaitsiera luzearen hasera. Hirigunea ikusten dugu.
• KM 18.- Groz auzorantz jaitsiera zuzen eta luzea.
• KM 19.- Nafarroa Hiribidetik Zurriola hondartzaranzko zuzengunea hankek ondo igartzen duten goranzko desnibel txiki batekin. Helmugaraino errepidearen bi aldeak jendez beteta.
• KM 20.- Azken zuzengunea, guztiz laua. ¡IA BERTAN GAUDE!. Zurriola Hiribidea. Kursaal Kongresu Jauregia, Kursaal Zubia eta Boulevardeko Zumardia. Ikusle asko, musika, giro ona eta Helmuga.