2023 Behobia Txikia

4 eta 13 urte bitarteko haurren Behobia

Laster atal hau eguneratuko dugu 2023ko edizioko informazioarekin.

ARGAZKIAK ETA
PARTE-HARTZE ZIURTAGIRIA
Aurreko edizioak

Argazkiak eta ziurtagiria - 2022 Edizioa

• Ikusi argazkiaz
• Parte-hartze ziurtagiriaren deskarga

Behobia Txiki eta Unicef

Zer da Unicef:

UNICEFek haur guztien eskubideak eta ongizatea sustatzen ditu egiten duen lan guztian. Gure aliatuekin batera, 190 herrialde eta lurraldetan lan egiten dugu konpromiso hori ekintza praktiko bihurtzeko, bereziki gure ahaleginak haur ahulenengana eta baztertuenengana iristeko bideratuz, guztion onurarako, leku guztietan.

UNICEFek 100 herrialde baino gehiagotan lan egiten du ur garbia eta saneamendua lortzen laguntzeko, eta landa-eremuetan eta hirietan oinarrizko higiene-praktikak sustatzeko, baita larrialdi-egoeretan ere.

Tantak/WASH proiektua.

Bildutako dirua UNICEFen TANTAK/WASH programara bideratuko da -ura, saneamendua eta higienea- https://www.unicef.org/wash

Edateko ura eta saneamendua izateko eskubidea Haurren Eskubideei buruzko Hitzarmenean (1989) agertzen da. Eskubide hori funtsezkoa da haurren biziraupenerako, janaria edo osasun arreta funtsezkoak diren bezala.

Giro garbi eta seguruan haztea haur guztien eskubidea da. Ur garbia, komunak eta higiene-jardunbide egokiak eskuratzeak, haurrek aurrera egitea ez ezik, bizitzan hasiera osasuntsuagoa izatea ere eragiten die.

COVID-19ak eskuetako higieneak gaixotasunen hedapena ekiditeko duen garrantzia nabarmendu zuen arren, mundu osoko 3 mila milioi pertsonak, eskola-adinean dauden ehunka milioi haur barne, ez dute eskuak xaboiarekin garbitzeko instalazioetarako sarbiderik. Landa-eremuetan, hiri-auzo marjinaletan, hondamendi naturaletarako joera duten eremuetan eta diru-sarrera txikiko herrialdeetan bizi diren pertsonak dira kalteberenak eta kaltetuenak.

Eta haurrak dira biktima handienak. Putzuak lehortzen direnean, eskolara joaten ez direnak dira, ur bila joan eta hezkuntza eteten dutenak. Lehorteek elikagaien hornidura gutxitzen dutenean, haurrek desnutrizioa eta hazkundearen atzerapena jasaten dute. Uholdeak daudenean, urak transmititzen dituen gaixotasunak hartzen dituzte. Eta baliabide hidrikoak gutxitzen direnean, ezin dira eskuak garbitu gaixotasunei aurre egiteko. Munduko leku askotan kilometroak egiten dituzte haurrek ur bila, askotan garbi ere ez dagoena, eta horrek arriskua dakar beraien osasunarentzat eta beraien familienentzat. Adibidez, hilgarriak izan daitezkeen eta beren eskubideei eta eguneroko bizitzari eragiten dieten beheranzkoa moduko gaixotasunak hartzen dituztenean.

UNICEFek munduko haur guztiei ur garbia eramateko lan egiten du. Azken hamarkadetan, gizateriak urarekiko dituen erronkak aldatu egin dira: orain teknologia eraginkorragoak ditugu, baina berotze globalaren, gatazken eta pandemien mehatxuaren ondorioz, egungo unea funtsezkoa da gure ahaleginak areagotzeko.

TANTAK programaren helburua mundu osoko haurrek, beraien familiek eta komunitateek ura, saneamendua eta higienea eskuratzeko aukera hobetzea da, haurren biziraupena hobetuz.

Tanta bakoitza, txikia bada ere, hurrengo honetan bilakatzen da:

-          Ur edangarrirako sarbidean, baliabidea urria den eskualdeetan.

-          Landa-eremuetan haurren osasuna babesten duten saneamendu-instalazioetan.

-          Higiene-programetan, komunitateei beren garapenean aurrera egitea eta gaixotasunetatik babestea ahalbidetzen dietenak.

-          Larrialdi batek jotzen duenean, ura, higienea eta saneamenduaren oinarrizko premiei erantzuteko baliabideetan.